viernes. 03.04.2020 |
El tiempo
viernes. 03.04.2020
El tiempo

Domingos do Principal modifica o programa por enfermidade de dous artistas

Cartel de 'Sin remite'
Cartel de 'Sin remite'

'Universario', previsto para este domingo, será substituído por 'Sin remite', de Jean Philippe Nikolas

Unha das citas máis agardadas polas familias de Pontevedra, o ciclo Domingos do Principal, vén de cambiar o programa, por motivos de saúde de dous dos artistas que estaba previsto que actuasen na cidade.

Así, o espectáculo Universario, previsto para o domingo 21 de xaneiro, no Teatro Principal, será substituído por outra actuación de clown, por problemas de saúde do artista Marcel Gross. Recomendada a partir de catro anos, Sin remite, de Jean Philippe Nikolas, é un espectáculo de circo teatro e humor xestual. Está inspirado no cómico francés Jacque Tati e a súa curtametraxe L'Ecole du Facteurs.

Por outra banda, a francesa Refugie Poetique de Claire Ducreux, programada para o 4 de febreiro no Teatro Principal, cae do programa por problemas de saúde da bailarina principal. No seu lugar, chegará ó escenario pontevedrés a obra Amigo, de Mummusic Circus. Recomendada a partir de tres anos, recolle un fragmento nas vidas dun home e unha muller. Un circo entre dous. Amaquiños de intimidade nunha travesía xestual e musical cara ao máis profundo e sincero de cada un.

A canle de venda anticipada de billetes porase en contacto cos compradores on-line ofertándolles a posibilidade de acudir ós novos eventos coas mesmas entradas (descargándoas de novo) ou devolverlles os cartos dos espectáculos cancelados. O prazo para solicitar a devolución remata o sábado ás 12 horas. No caso de ter mercado abonos non será posible o reembolso parcial.

Quen mercaron as entradas no despacho de billetes da Casa da Luz deberán dirixirse ó mesmo lugar no caso de querer solicitar a devolución.

Domingos do Principal modifica o programa por enfermidade de dous...
Comentarios