martes. 20.04.2021 |
El tiempo
martes. 20.04.2021
El tiempo

Que facer na fin da Semana Santa

'Riquete del copete', obra de la compañía Higiénico Papel Teatro. LABORAL CIUDAD DE LA CULTURA
'Riquete del copete', obra da compañía Higiénico Papel Teatro. LABORAL CIUDAD DE LA CULTURA
Un faladoiro literario, unha obra de teatro e distintas propostas dos museos compoñen a axenda cultural

Sen procesións nin actos relixiosos e coa axenda cultural reducida ao mínimo chega a fin da Semana Santa de 2021. Moi poucos actos presenciais compoñen unha programación escasa e marcada, na práctica totalidade dos casos, pola inscrición previa, o acceso limitado e a obrigatoriedade de cumprir coas medidas sanitarias implantadas durante a pandemia: uso de máscara e distancia de seguridade.

Pontevedra é a localidade que máis actividades promove de cara a fin de semana. A Libraría Paz acollerá este domingo un faladoiro literario protagonizado polo escritor e xornalista Manuel Jabois, que está promocionando a súa última novela, Miss Marte. Estará acompañado polo tamén xornalista Adrián Rodríguez. A reserva de entradas completouse hai días.

Na capital da provincia, como vén sendo habitual, boa parte das propostas que parten do Concello de Pontevedra diríxense á cativada. Así, durante toda a semana (e nos días que restan de vacacións, incluído o luns 5 de abril) está funcionando a ludoteca do Mercado de Abastos, O Ganapán. Cada día hai talleres ás 11.00 e ás 12.30 horas. A información completa sobre as diferentes propostas, para as que é imprescindible inscribirse previamente, está na páxina de Facebook de O Ganapán.

As poucas convocatorias presenciais coinciden en solicitar inscrición previa, en ter acceso limitado e en esixir máscara obrigatoria

RIQUETE. Tamén está especialmente deseñada para o público infantil a programación do ciclo de teatro familiar Domingos do Principal, que encara a súa recta final coa representación, esta semana, de Riquete el del copete, da compañía asturiana Higiénico Papel Teatro.

O Museo de Pontevedra tamén deseñou algunha actividade infantil para estes días (coas prazas xa cubertas), pero o máis destacado é que permanece aberto todos os días. De tal maneira que se poden visitar tanto as Ruínas de San Domingo, como as exposicións permanentes e temporais do Edificio Castelao. Destas últimas agora mesmo hai dúas: unha adicada ao fotógrafo José Suárez e outra a Emilia Pardo Bazán. Polo que se refire á exposicións permanentes, haberá visitas guiadas todos os días ás 11.00 horas, sendo preciso inscribirse previamente no correo educació[email protected] para poder participar.

O apartado expositivo é o que maiores posibilidades ofrece actualmente aos interesados en gozar da cultura estes días. Ademais do Museo de Pontevedra, na cidade permanece aberto o Café Moderno. Fóra dela pódense visitar o Castelo de Soutomaior, que nesta época do ano ten as camelias en pleno proceso de floración, o Museo Massó de Bueu ou o Parque Arqueolóxico de Arte Rupestre de Campo Lameiro. Este último, como é habitual, desenvolve unha programación especial durante a Semana Santa que inclúe visitas guiadas e obradoiros. Para participar en calquera deles é necesario apuntarse antes (886151195).

Outra posibilidade no ámbito cultural é o cine. As salas reabriron hai semanas e agora mesmo ofrecen unha carteleira cos que serán algúns dos títulos máis importantes do ano. En Cinexpo, no centro comercial Vialia de Pontevedra, poden verse, por exemplo, Nación, a película de Margarita Ledo protagonizada polas mulleres que traballaban en Pontesa e Nomadland, de Chloé Zhao, título gañador do León de Ouro no Festival de Venecia, de dous Globos de Ouro (drama e dirección) e que é finalista en seis candidaturas dos Oscar.

Finalmente, no apartado musical, a Banda Artística de Arcade, a pesar de non Entrevista a Jabois. Diariohaber Festa da Ostra este ano, decidiu saír tocar á rúa igual. Farao o domingo 4 de abril, ás 11.00 horas, cando realice un percorrido entre o Calvario e o peirao da súa localidade.

Literatura: Manuel Jabois


A Libraría Paz de Pontevedra celebra este sábado 3 de abril un Vermú entre libros arredor de Miss Marte, a última novela do escritor e xornalista Manuel Jabois, que estará, ás 12.30 horas, falando co tamén xornalista Adrián Rodríguez. Para asistir era necesario inscribirse. O aforo xa está completo.

Teatro: Domingos do Principalunnamed


Dentro do ciclo de teatro familiar Domingos do Principal, o 4 de abril poderase ver no Principal a obra Riquete el del Copete, de Higiénico Papel Teatro. Haberá dúas funcións: ás 12.00 e ás 18.30 horas. Acceso limitado. As entradas para todas as obras do ciclo están á venda en ataquilla.com.

Captura

Que facer na fin da Semana Santa
Comentarios
ç