Tras pasar polo Inverfest de Madrid (unha programación da que tamén forman parte Nacho Vegas, Ele, Manel ou Explosions in the Sky) a banda de rock de Pontevedra Furious Monkey House volve a casa. O grupo presentará en directo o seu novo disco, Love, Scum & Dust, nun concerto que terá lugar o 7 de marzo na sala Karma (apertura de portas, 20.00 horas). As entradas están á venda en www.eventbrite.es (13,20 euros).
¡Hey! @salakarma prepárate que estamos de vuelta.
— FuriousMonkeyHouse (@FuriousMonkeyH) February 10, 2020
🔥🔥🔥🔥🔥
Vuestra mejor historia os espera en Karma el 7 de marzo
👇https://t.co/a7mi7COz0A pic.twitter.com/lPDplNFjpN
Mariña, Irene, Carlota, Amaya e Diego son os actuais compoñentes de Furious Monkey House. Xunto a eles tocan dous músicos profesionais coa cara cuberta por unha máscara de mono: o fundador da banda, o músico e docente Gonzalo Maceira, e o guitarrista Iñaki Jáuregui, que xa viña colaborando co proxecto.
O grupo empezou a funcionar como parte dunha experiencia musical e educativa en 2014. Ese mesmo ano actuou por primeira vez na sala Karma e no festival Surfing the Lérez. Os compoñentes tiñan entre 9 e 11 anos. Uns meses despois viaxaron aos estudios Abbey Road de Londres para gravar o que sería o seu primeiro disco, Run, e ficharon pola empresa de management Esmerarte, que tamén leva a Xoel López ou Vetusta Morla.
Agora, cos nenos convertidos en adolescentes, Furious Monkey House publica o seu segundo traballo, Love, Scum & Dust. "Hai unha gran diferenza entre o anterior disco e este: os temas que tratamos son máis complexos, as cancións tamén", dicían en setembro no Diario de Pontevedra.
Ao longo de febreiro e marzo, pola sala irán pasando, ademais de Furiouse Monkey House, Alice Wonder, Amaro Ferreiro, Derby Motoreta's Burrito Kachimba e Boyanka Kostova, entre outros. A información completa sobre datas, horarios e entradas pode consultarse na páxina de Facebook de Karma.