O I Festival O Son do Camiño reunirá a máis de 25.000 persoas en Santiago

Ante a gran afluencia prevista, a organización permite que os asistentes recollan as súas pulseiras desde este mércores co obxectivo de evitar as longas colas durante os concertos

Lenny Kravitz. EFE
photo_camera Lenny Kravitz. EFE

O festival que como parte da programación destinada a promocionar o Xacobeo de 2021, na súa primeira edición conta con Jamiroquai, Lenny Kravitz, The Killers, Franz Ferdinand e Martin Garrix como principais atractivos, tamén pretende servir de escaparate para os grupos autóctonos de forma que os artistas galegos tamén son unha parte importante do cartel musical.

Deste xeito, desde a organización destacan a presenza de conxuntos galegos como Novedades Carminha, Terbutalina, Eladio e os Seres Queridos, Bala, Arce, Triángulo de Amor Bizarro, Agoraphobia, True Mountains, Furious Monkey House e Malandrómeda.

Para facilitar a chegada dos asistentes ao recinto do Monte do Gozo, a organización habilitou o estadio de San Lázaro como aparcadoiro oficial do festival, "cunha gran capacidade e estará reservado en exclusiva para os asistentes".

Desde allí saldrán continuamente nuestros buses lanzadera y llegarán desde el recinto de la misma manera. Tenéis muchos más detalles de todo esto en la web, así que si tenéis alguna duda, ¡por favor mirad primero ahí! ;) pic.twitter.com/g869PUJvVM

— O Son do Camiño (@OSonDoCamino) 26 de xuño de 2018

Para poder aparcar nesta zona, deberase acreditar ter unha entrada en posesión e o recinto estará dispoñible ata o domingo ao mediodía.

Desde alí sairán cada vinte minutos autobuses lanzadeira que tamén realizarán o traxecto inverso. 

Comentarios