Coa Alameda ateigada de xente para escoitar en directo a Xoel López chegou o punto álxido do Ferve, o festival de música, gastronomía e cervexa que organizaron conxuntante Estrella Galicia e Esmerarte, co patrocinio do Xacobeo, e que se celebrou en Pontevedra toda a fin de semana. O concerto do músico coruñés, que se fai acompañar dunha súper banda na que militan María Yfeu e Charlie Bautista, entre outros, derivou nunha festa de despedida do evento por todo o alto. Entre as altas temperaturas deste domingo e o concerto de Xoel López, Pontevedra finalmente ferveu.
"Eu fago unha valoración tremendamente positiva do festival", di o chef Pepe Solla, padriño do evento. "Sorprendeume, sobre todo, a aceptación que tivo entre o público. Foi marabillosa a actitude da xente, súper positiva, moi receptiva a todas as actividades que se propuxeron e moi respectuosa, por exemplo, cando nalgún momento puntual se formaba algunha cola para consumir as tapas dos chefs".
Ademais dos concertos de Baiuca, Guadi Galego, Marilia Monzón, a Banda de Late Motiv e Xoel López, Ferve, ofreceu charlas do propio Pepe Solla, así como de Javier Olleros e Pepe Vieira. Tamén incluíu showcookings de Héctor López, Diego Guerrero e Iñaki Bretal, e petiscos de autor de máis de 20 chefs de renome. A maiores había unha serie de actividades arredor da cultura da cervexa e un mercado de produtos ecolóxicos. O acceso foi gratuíto.
"Creo que Pontevedra reúne os unha serie de requisitos que a converten na cidade perfecta para este festival", segue contando Pepe Solla. "A Alameda é espectacular para acoller algo como isto: o suficientemente cómoda e confortable para todos, no mesmo centro da cidade, con espazo abondo para poder instalar cousas como ese mercado de produtores, que é un aspecto moi interesante do festival".
Creo que Pontevedra reúne os unha serie de requisitos que a converten na cidade perfecta para este festival
En aspectos moi similares insiste Kin Martínez, da promotora Esmerarte, á hora de facer unha valoración do evento. "O primeiro que hai que destacar é a alta participación da xente", comenta. "Despois, a alta interactividade. Viuse que a xente tiña ganas de participar. Tiñamos todos os talleres cheos, todas as charlas, todas as actividades... E isto é moi bonito".
Martínez tamén pon o foco no adecuado que foi a escolla do espazo. "A Alameda é un nervio da cidade. É importante axudar a poñer en valor este tipo de espazos. Notamos que a xente quedou moi agradecida por iso". A pesar de que na presentación do evento se falou de Pontevedra como punto de partida dunha posible itinerancia, o promotor non descarta que Ferve repita aquí. "Non descartamos nada. A itinerancia non ten por qué ser anual. A min gústame Pontevedra evidentemente. Vivo aquí e aquí me quedaría encantado. Será un traballo colectivo que así sexa. Pero hai que ver moitas cousas. O Xacobeo está rematando e hai que ver como se pode reformular a proposta".
Ahora toca hacer balance y mejorar seguramente muchas cosas, pero a nivel general creo que hemos disfrutado de tres días fantásticos
Tampouco descarta que Pontevedra volva acoller o festival a responsable de Cultura, Proximidad y Gastronomía en Estrella Galicia, Goretti Castro: "Nos encantaría repetir. Todavía no sabemos dónde. Quizás en Pontevedra, quizás en otro destino. Pero, en todo caso, larga vida a Ferve!", di. "Nosotros nos sentimos hoy realmente felices. Hemos visto disfrutar a la gente. Hemos acercado al público la cultura de la cerveza, la gastronomía y la música de una manera diferente, en un entorno idílico como es la Alameda de Pontevedra. Ahora toca hacer balance y mejorar seguramente muchas cosas, pero a nivel general creo que hemos disfrutado de tres días fantásticos".
