As fotos de Sebastião Salgado, un dos fotógrafos máis prestixiosos do mundo, poden verse a pé de rúa en Pontevedra. A Obra Social La Caixa e o Concello inauguraron, na Praza da Ferrería, Xénese, unha mostra que reúne 38 instantáneas do autor brasileiro. Aquí permanecerán ata o 16 de decembro
O alcalde, Miguel Anxo Fernández Lores; a directora de Área de Negocio de CaixaBank en Pontevedra, Cristina Vega; e o representante da obra do fotógrafo en España, Miguel González, participaron na apertura ao público desta mostra enmarcada nas actividades culturais anuais que realizan conxuntamente a obra social do banco catalán e o Concello.
"Son imágenes tomadas tras 32 expediciones a cinco zonas geográficas de la Tierra no alteradas por el hombre, lugares recónditos como son el Ártico, la Antártida, África, la Amazonía y una serie de islas como las Galápagos", explicou Miguel González. "Como dijo el propio Salgado, esta es una oda visual a la majestuosidad de la Tierra".