viernes. 04.12.2020 |
El tiempo
viernes. 04.12.2020
El tiempo

A RAG celebrará un plenario en Pontevedra en homenaxe a María Victoria Moreno

Unha imaxe de María Victoria Moreno do seu arquivo familiar. RAG
Unha imaxe de María Victoria Moreno do seu arquivo familiar. RAG

Será o 17 de maio, Día das Letras Galegas ►O xoves presentarase o documental María Victoria Moreno, galega por amor

O próximo 17 de maio Pontevedra acollerá o acto central da Real Academia Galega (RAG) con motivo do Día das Letras Galegas dedicado a María Victoria Moreno, nun plenario que se celebrará no Teatro Principal e que contará coas intervencións de Xesús Alonso Montero, Marilar Aleixandre e Fina Casalderrey.

A Junta de Estremadura, comunidade onde naceu esta cacereña profesora de galego á que se dedica o Día das Letras Galegas, trasladou a súa intención de asistir o plenario, do mesmo xeito que farán familiares da escritora de literatura infantil e xuvenil en galego e catedrática de Lingua e literatura en varios institutos de Sanxenxo e Pontevedra.

Este será o acto central do programa denominado Mes da Lingua que este martes presentaron en rolda de prensa o alcalde, Miguel Anxo Fernández Lores, e o presidente da RAG, Víctor Freixanes.

Entre outras citas, o xoves día 26 de abril no Teatro Principal, presentarase o documental María Victoria Moreno, galega por amor elaborado por Gaspar Broullón, exalumno da homenaxeada e na actualidade profesor de realización audiovisual. Esta película xa foi estreada o pasado 4 de abril nun acto académico celebrado no IES Torrente Ballester.

O venres 27 de maio tamén se oficializará o cambio de nome á Avenida de Fernández Ladreda, que abandonará a súa dedicatoria ao exministro franquista e pasará a ser a Avenida María Vitoria Moreno. 

A RAG celebrará un plenario en Pontevedra en homenaxe a María...
Comentarios