sábado. 17.04.2021 |
El tiempo
sábado. 17.04.2021
El tiempo

A RAG estrea unha serie documental de seis episodios sobre a vida de Xela Arias

Un fragmento do documental. RAG
Un fragmento do documental. RAG
A academia presentará un episodio cada martes ata a véspera das Letras Galegas

A Real Academia Galega (RAG) presentou este luns na súa sede da Coruña a serie documental Xela Arias. A palabra esgazada, que abordará a vida persoal e a traxectoria profesional da escritora ao longo de seis episodios.

O secretario da RAG e actual presidente en funcións, Henrique Monteagudo, subliñou durante a presentación a importancia de utilizar as tecnoloxías para "achegarse ás novas xeracións" e a "figura de Xela Arias", poeta homenaxeada nas Letras Galegas 2021. 

Ao acto acudiu a familia da autora. En concreto, o seu fillo, Darío Gil, quixo agradecer á Academia e ás editoriais polo esforzo que están a facer para que a homenaxe "non desluza nun ano tan complicado". 

Pola súa banda, a académica Marilar Aleixandre destacou o "amor ao galego" que profesa a familia Arias, á vez que reivindicou que esta homenaxe sirva "para que no futuro máis xente lea a Xela Arias". 

A serie documental está guionizada pola xornalista lucense María Yáñez, quen durante a súa intervención na presentación cualificou á autora como "rompedora" e influente para moita xente que "conectou con ela a través da súa obra". 

O primeiro episodio da serie desenvólvese en Sarria, Lugo e Vigo e conta a infancia e adolescencia de Xela Arias. Xa está dispoñible na web da RAG —academia.gal— e nas súas redes sociais. 

Ademais desta serie, que estreará un episodio cada martes, tamén se emitirán as micropezas Xela Arias. Onde anta a poeta. Haberá unha nova cada día, de mércores a luns, até o 16 de maio, véspera do Día das Letras Galegas. 

A RAG estrea unha serie documental de seis episodios sobre a vida...
Comentarios
ç