O crítico cultural de Diario de Pontevedra, Ramón Rozas, é un dos cantidatos ao Premio Follas Novas do Libro Galego na categoría de Xornalismo Cultural pola súa traxectoria neste ámbito. Con el, están nomeados o crítico Ramón Nicolás e máis a xornalista Montse Dopico.
Entre os candidatos atópanse tamén autores como Suso de Toro ou Manuel Rivas, polas súas obras máis recentes.
A nivel local, a escritora Eva Mejuto opta a dous premios polo seu libro A lavandeira de San Simón, ilustrado por Bea Gregores. Ademais, o Salón do Libro de Pontevedra é un dos proxectos nomeados dentro da categoría de iniciativa cultural de fomento da lectura. Henrique Alvarellos é candidato a recibir o recoñecemento na categoría de Investigación polo seu libro Federico García Lorca en Santiago de Compostela.
Por outra parte, o ilustrador de Bueu Marc Taeger opta a un premio na categoría de libro ilustrado pola obra Extra! (Kalandraka).
