martes. 24.11.2020 |
El tiempo
martes. 24.11.2020
El tiempo

O RockLab clausurará o domingo a edición máis virtual do Salón do Libro

Obradoiro Monster no Salón deste ano. CEDIDA
Obradoiro Monster no Salón deste ano. CEDIDA
Será logo de dous meses de intensa actividade nas súas redes e web para amenizar o confinamento da cativada e dotar ás familias de recursos de xogo

O Salón do Libro pechará as súas portas virtuais o vindeiro domingo 17 de maio, día das Letras Galegas, logo de dous meses nos que a actividade se levou a cabo nas súas redes sociais por mor da Alerta Sanitaria da covid-19, que obrigou a pechar as portas físicas do Salón o xoves 12 de marzo.

O confinamento e as sucesivas prórrogas do estado de alarma, ampliaron tamén a duración desta versión virtual dun Salón que tiña programada a súa clausura orixinal o domingo 22 de marzo.

A difusión será a través de Facebook, Instagram, Youtube e www.salondolibro.gal

Así como se adaptou o formato de diferentes actividades previstas no programa, o Salón plantexou a mesma vía para o concerto de clausura, a cargo do RockLab, actividade músical do Concello de Pontevedra, impartida no Pazo da Cultura e dirixida por Gonzalo Maceira. Aceptaron a proposta con moita ilusión pero levala a cabo non foi sinxelo tal e como comentou: "Traballamos con 30 alumnos/as de seis a dez anos a través de Goole Classroom e Zoom para as clases e levamos a cabo sesións de diferente tipo: invididuais, por grupos pero sobre todo moita formación para pais, que se involucraron moitísimo no proxecto. Sen a súa colaboración e implicación 100% non tería sido posible chegar a porto". Sen desvelar o contido do concerto, que leva unha parte de escenografía e interpretación tamén, Gonzalo avanza que "aínda que pareza imposible, o audio é da cativada".

A emisión das actuacións dos Rock 'N' Roll Monsters e Os Cabaleiros e Damas do Rock terá lugar o domingo 17 cara ás 18.00 horas no Facebook, Instagram, Youtube e web do Salón.

Unha xornada tan especial como é o peche logo de tantas semanas xuntos, require dunha programación especial entre a que cabe destacar tamén a segunda parte do obradoiro Aprende banda deseñada con Fiz de Kiko Dasilva. Ao longo do día terá lugar tamén a difusión de diferentes pezas recopilatorias, sorpresas e, aínda que non gusten moito, despedidas.

O RockLab clausurará o domingo a edición máis virtual do Salón do...
Comentarios