Catro concertos conforman o cartel do Musigal da Deputación de Pontevedra para esta semana. Roi Casal, Son galego, son cubano, Manoele de Felisa e Amantes da Terra. Musigal actuarán en Sanxenxo, O Grove, Moraña e Covelo, respectivamente.
A primeira cita será o venres 24 con Roi Casal, ás 22.00 horas na Praza dos Barcos de Sanxenxo. Xa o sábado 25, Son galego, son cubano actuará na Praza do Corgo do Grove ás 21.30 horas.
Para o domingo 26 están programados dous concertos máis. A explanada ao carón do multiusos de Moraña bailará a ritmo de Amantes da Terra a partir das 22.00 horas e, á mesma hora, Manoele de Felisa interpretará os seus temas na Praza do Concello de Covelo.
O Musigal ten como obxectivo favorecer a programación artística por parte dos concellos da provincia e está dirixido especificamente aos profesionais de música. Busca, ademáis, fomentar o uso social da música en galego e a defensa dos valores da igualdade de xénero.
A institución provincial ten pechados ata agora máis de 40 concertos. Amais dos xa celebrados en Tomiño, Bueu, Gondomar, Meaño e Poio e dos que se celebran esta semana en Sanxenxo, O Grove, Moraña e Covelo, Musigal tamén ten programados concertos en Silleda, Lalín e Rodeiro.