Decenas de persoas piden na Coruña que non se peche o caso Jimmy sen culpables

Os Riazor Blues convocaron a manifestación, que partiu ás 20 horas desde a Praza de Pontevedra

Jimmy. AEP
photo_camera Jimmy.AEP

Decenas de persoas manifestáronse este sábado nas rúas da Coruña para que non se peche o caso Jimmy sen culpables.

Os Riazor Blues, grupo ultra ao que pertencía o incha Francisco Javier Romero, Jimmy cando faleceu nunha liorta con radicais do Fronte Atlético en Madrid Río o 30 de novembro de 2014, convocaron a manifestación, que partiu ás 20 horas desde a Praza de Pontevedra.

Desde alí continuou por outras céntricas rúas da cidade, nas que os manifestantes pediron xustiza para Jimmy en resposta á decisión do Xulgado de Instrución número 20 de Madrid de avogar polo sobresemento da causa.

Esta semana, nun comunicado, os Riazor Blues criticaron esa decisión nun "proceso" que, segundo eles, estivo "marcado polos repetidos desprezos desde as institucións xudiciais" xa que consideran que nunca se mostrou un interese real en identificar e condenar aos culpables do crime".

O club do que Jimmy era seareiro, o RC Deportivo, tamén se mostrou decepcionado por que a morte do seu seguidor quede "impune".

O xuíz considera que non existen indicios de criminalidade contra ningunha persoa e por iso acordou "declarar concluído este sumario sen procesamiento".

A decisión do xuíz non é recurrible e será a Audiencia de Madrid a que determine se a súa decisión de pechar o caso sen abrir xuízo é correcta ou pide que se produza algunha dilixencia máis, segundo explicou o avogado da familia de Jimmy, Erlantz Ibarrondo, a Efe a finais de xuño.

"Quedámonos sen unha proba que para nós era moi importante, que declarasen as persoas que foron sinaladas pola testemuña. Pechouse o sumario sen darnos a oportunidade ás partes acusadoras de preguntarlles", lamentou entón o letrado. 

Comentarios