O Pontevedra caeu goleado contra o Internacional do Madrid nun partido que se lle escapou na última media hora de xogo (3-0).
O equipo granate dominou a primeira parte, na que conservou a posesión do esférico e mesmo tivo algunha aproximación perigosa para adiantarse no tanteador por medio de Berrocal e Javi López, que se toparon con Miguel Ángel.
O conxunto pontevedrés tamén se encomendou a Edu Sousa para evitar que o Internacional marcase se falta.
Na segunda metade, o Pontevedra comezou con enerxía e dispuxo de dúas oportunidades moi claras para marcar, unha delas un lanzamento de falta desde a frontal de Mouriño que sacou Miguel Ángel na liña de gol.
Antes do cuarto de hora da segunda metade, o Inter adiantouse mediante un penalti que Rubén Ramos transformou enganando a Edu.
O Pontevedra veuse abaixo despois do gol. E ainda que dispuxo dalgunha chegada máis, as mellores accións foron do Inter.
O partido abriuse e no intercambio de golpes, os madrileños lograron o segundo gol por medio de Rafa Mella, nun disparo que petou nun defensa e despistou a Edu.
Co cadro granate descomposto no último cuarto de hora Pina sentenciou nun remate tras un córner.