O Pontevedra Club de Fútbol derrotou o Racing de Ferrol (3-0) nun partido vital para os intereses de ámbolos dous equipos na pelexa por evitar o descenso.
O equipo granate realizou unha gran primeira metade na que anulou coa súa presión ao bloque departamental. Froito do seu dominio territorial e do triunfo en tódalas disputas, o bloque de Luismi acabou poñendose por diante no marcador cun gol de Jorge Hernández, mediante un lanzamento raso e axustado desde a frontal.
Á media hora, Álex González cazou un balón despexado por Nano ao borde da área e lanzou un trallazo que superou a Mackay.
Nada máis regresar dos vestiarios, os granates ampliaron a súa conta goleadora nunha transición levada por Álex González na que Jorge acabou asistindo a Iván Martín.
Co 3-0 o Racing reaccionou, tirou un balón ao poste, forzou un penalti que detivo Edu e dispuxo de varias chegadas á área que se saldaron sen consecuencias para o PCF. Finalmente os puntos quedaron en Pontevedra, de modo que o cadro de Pasarón segue fóra da zona de descenso
⚽️ GOL do @PontevedraCFSAD! Gol de Jorge no minuto 22, @PontevedraCFSAD 1-0 @racingferrolsad! #SegundaB pic.twitter.com/hK675Zl0TE
— En Xogo TVG2 (@enxogo_tvg2) 18 febreiro 2018
⚽️ Segundo GOL do @PontevedraCFSAD! Gol de Álex González no minuto 31, @PontevedraCFSAD 2-0 @racingferrolsad! #SegundaB pic.twitter.com/PfFzc7M8I9
— En Xogo TVG2 (@enxogo_tvg2) 18 febreiro 2018
⚽️ GOL do @PontevedraCFSAD! Terceiro tanto para o conxunto granate! Gol de Iván Martín no minuto 53, @PontevedraCFSAD 3-0 @racingferrolsad! #SegundaB pic.twitter.com/jt4uDwRhNU
— En Xogo TVG2 (@enxogo_tvg2) 18 febreiro 2018