O Marín Peixegalego derrotou con claridade ao Baskonia (73-63) e ascendeu ao primeiro posto do grupo Oeste da LEB Prata. O triunfo contra o filial vitoriano, o cuarto consecutivo do equipo de Llorente, cimentouse nunha notable defensa do xogo interior, a absoluta superioridade no rebote (19 capturas ofensivas dos azuis) e a gran cantidade de perdas cometidas polo bloque visitante.
O Peixe mandou no marcador desde o primeiro cuarto, amparado na súa gran variedade de recursos para anotar desde diferentes zonas do campo.
No segundo cuarto, os de Llorente foron quen de ampliar a vantaxe por enriba dos dez puntos, despois de varias xogadas de contraataque.
Con trece puntos de vantaxe ao descanso (39-26), os marinenses tiveron sempre o control da situación, o que permitiu que Javi Llorente pudiese rotar aos seus xogadores titulares, darlles descanso e conceder minutos a homes pouco frecuentes e aos xuvenís Noh Pereira e Santi Touriño.
A mala nova para a escadra morracense foi a lesión no pé de Jorge Romero, que non puido rematar o partido por un golpe forte na primeira deda.
