martes. 20.04.2021 |
El tiempo
martes. 20.04.2021
El tiempo

Antía García revalida os títulos de campiona de España en tres modalidades

A deportista de Caldas de Reis posa coas medallas de ouro acadadas en Elche. CLUB ACUÁTICO UMIO
A deportista de Caldas de Reis posa coas medallas de ouro acadadas en Elche.
A deportista caldense do Club Acuático Umia conseguiu mellorar o seu propio récord nacional en 50 metros arrastre de maniquí

A nadadora caldense Antía García Silva, do Club Acuático Umia, obtivo tres medallas de ouro no 35 Campionato de España de Salvamento e Socorrismo, celebrado o pasado fin de semana na piscina municipal de Elche (Alicante), e no que participaron cerca de 400 deportistas de 40 clubes de todo o territorio nacional.

Antía García Silva fixo triplete e demostrou que se atopa en plena forma física conseguindo revalidar os seus títulos de campiona de España nas tres modalidades nas que participou: 100 metros socorrista, 50 metros arrastre de maniquí e 100 metros aletas, categoría esta última na que tamén ostenta o título de Campiona do Mundo obtido no 2018 en Australia.

Ademáis, nesta ocasión Antía García conseguiu mellorar o seu propio récord de España en 50 metros arrastre de maniquí, parando o cronómetro en 00.34.80, dez centésimas por debaixo da súa anterior marca. E conseguiu tamén o récord galego en 100 metros socorrista, cunha marca de 01:01:61.

A próxima cita para esta deportista caldense será o IX Open Internacional que celebrarase na pisicina municipal de Torrevieja (Alicante), e que lle servirá tamén como preparación para o vindeiro Campionato Europeo que terá lugar en Castellón do 12 ao 18 de setembro deste ano.

O Club Acuático Umia sitúase con estes resultados na décima posición da clasificación por equipos absoluta femina e na 17ª posición na xeral.

O alcalde de Caldas de Reis, Juan Manuel Rey, felicitouse por estes novos éxitos de Antía García, que son o resultado do extraordinario esforzo da nadadora caldense á quen lle está dedicada a piscina municipal de Caldas, e lle desexa os mellores resultados nas vindeiras competicións. Tamén agradeceu ao Club Acuático Umia polo seu labor continuado no fomento da natación na vila termal.

Antía García revalida os títulos de campiona de España en tres...
Comentarios
ç