domingo. 25.10.2020 |
El tiempo
domingo. 25.10.2020
El tiempo

Charles, o xogador granate máis valorado

Charles, coa equipación de adestramento do Pontevedra CF. GONZALO GARCÍA
Charles, coa equipación de adestramento do Pontevedra CF. GONZALO GARCÍA

O dianteiro brasileiro do Pontevedra e o futbolista do plantel mellor taxado en Transfermarkt

Charles Dias Barbosa é o xogador mellor taxado segundo a avaliación de Transfermarkt. O dianteiro brasileiro ten un valor de medio millón de euros segundo a consideración do portal especializado en transaccións do mercado. Os 36 anos do brasileiro parecen pesar máis que tódalas temporadas que militou no fútbol profesional, cun importante protagonismo e unha notable capacidade para marcar goles.

O segundo máis valorado é Imanol García, en 300 mil euros, o mesmo prezo de Manuel Romay.

A cotización media dos 18 futbolistas do PCF que cataloga a web é de 189.000 euros. En total, suman 3,4 millóns de euros, o que o converte no séptimo equipo máis valorado do grupo I.

A páxina web cataloga aos canteirán Martín Diz e Samu Vilariño coma xogadores do filial granate e non valora o seu prezo de mercado.

Xogadores de Segunda B con máis valor de mercado

Ao igual que no prezo dos clubs, en valor dos futbolistas máis caros tamén lidera o Barcelona B. O filial catalán dispón de dous homes de cinco millóns de euros, Ilaix Moriba e Álex Collado, e un total de oito rapaces por enriba do kilo de cotización.

O Deportivo de la Coruña conta con tres xogadores que se cotizan por enriba desa cantidade: os dianteiros Diego Rolán e Claudio Beauvue e o centrocampista Uche Agbo. Lidera esa clasificación no grupo 1.

Hai 24 xogadores que se proxectan por enriba do millón de euros en toda a categoría, case todos eles de canteiras, aínda que tamén algúns na etapa da madurez futbolística ou mesmo en declive que tamén se pagan a un gran prezo. Entre eles, chama a atención Esteban Granero, que continuará un ano máis formando parte do club máis poderoso, o Marbella. Entre os grandes da categoría, chama a atención que o Racing de Santander non dispoña de ningún xogador que alcance o medio millón de valor de mercado. O máis cotizado do colectivo cántabro é Adrián Balboa, 450.000 euros.

No Real Madrid Castilla, o fichado do Getafe Hugo Duro (1,8 millóns) é o mellor taxado. Curioso, se se ten en consideración que os xuvenís de Raúl veñen de gañar a Liga de Campións xuvenil.

O excapitán do Pontevedra Edu Sousa forma parte do club dos 300.000 euros. É un dos xogadores catalogados cun valor de mercado máis elevado do seu equipo, no que sobresae os 1,5 millóns de Rodrigo.

Charles, o xogador granate máis valorado
Comentarios