Jueves. 23.05.2019 |
El tiempo
Jueves. 23.05.2019
El tiempo

3-1 O Pontevedra segue lanzado

El Pontevedra celebra un gol ante el Rápido de Bouzas. RAFA FARIÑA
El Pontevedra celebra un gol ante el Rápido de Bouzas. RAFA FARIÑA

Avanza con paso firme en dirección á promoción de ascenso despois de derrotar ao Rápido de Bouzas nun partido espectacular no que Romay, Javi Pazos e Borja Domínguez fixeron os goles

No primeiro cuarto de hora o equipo de Luismi chegou tres veces con perigo aos dominios de Brais antes de lograr o primeiro gol. Unha acción de balón parado executada sorprendeu ao Rápido. Pedro Vázquez chegou á liña de fondo tras o saque de falta executado por Borja Domínguez, centrou á área e atopou en boca de gol a Romay, que marcou no segundo intento ante Brais. 

Aos 25 minutos Borja Domínguez mandou ao longueiro un centro de Javi Pazos, que se liou co balón tras canear a Brais no man a man. 

Pouco despois da media hora, tras media ducia de ocasións claras do Pontevedra, Quico puido empatar ao cabecear ao longueiro un saque desde o curruncho. 
Na xogada seguinte, Javi Pazos levou un balón ao borde de área profiando ante os centrais, encarou a Brais e bateuno para lograr o 2-0.

O once pontevedrés puxo un elevado ritmo de xogo, estivo preciso no xogo combinativo, apenas consentiu contras dos vigueses e xerou unha manchea de ocasións de gol.
 
O terceiro chegou na segunda metade, nun disparo de Borja Domínguez desde a frontal. O Rápido recrutou cun bo cabezazo de Rodri. Despois a falta de puntería de Álex González e Álvaro Bustos,  que mandou un balón ao poste, impediu un marcador máis amplo. 

O once de Pasarón,  respaldado onte nas bancadas por cinco milleiros de persoas, ascende momentaneamente á segunda posición mercede á que foi a súa quinta vitoria consecutiva.

3-1 O Pontevedra segue lanzado
Comentarios