A Gladiator Race regresa con 30 divertidos obstáculos e propostas para todas as idades 

A Gladiator Race regresa este sábado a Pontevedra á contorna do Lérez. A proba celebrarase na Illa do Cobo e arredores.

A carreira chega a súa sexta edición consolidada como evento deportivo para toda a familia e cunha ampla participación de case 2.000 deportistas. Trátase dunha das competicións de obstáculos máis prestixiosa de Galicia e disputarase a través da illa, o campus, Tafisa, as sendas do Lérez e o parque do Miradoiro de Monte Porreiro.

No percorrido dispóñense 37 obstáculos de escaladas, pasos sobre as augas do río, cordas e ducias de modalidades máis que conforman o itinerario.

As competicións comezan ás 12.00 horas coas probas infantís para toda a familia (poden ir acompañados de maiores), xa que hai modalidades para criaturas de 3 a 6 anos (de 800 metros) e de 7 a 12 anos (1.200 m).

Xa pola tarde, ás 16.00 comeza a carreira longa de adultos, Gladiator Warrior, con 11 kilómetros e 30 obstáculos; e ás 6 da tarde comeza a versión de 6 kilómetros, a Gladiator Rocket, con 20 obstáculos, para persoas que desexan realizar un percorrido menor. A proba non é competitiva, pero é preciso que cada participante leve o seu dorsal.