O Pontevedra Club de Fútbol puxo fin á súa xeira negativa de tres resultados cun triunfo por 1-0 contra o Coruxo. O equipo granate acumulou ocasións e méritos para derrotar ao seu rival e conseguiuno mercede a un gol de Javi Pazos.
Os de Luism dominaron a primeira metade e arrebatáronlle o balón a un contrario habituado a telo. No minuto 9 Javi Pazos dispuxo da primeira ocasión nun primeiro tempo no que o colexiado non viu unha man clara na área do Coruxo.
⚽️ O gol de @JaviiPazos despois do disparo ao pão de @KevinPresa pic.twitter.com/E8LhC72ElX
— Pontevedra CF (@PontevedraCF) 25 de novembro de 2018
Á media hora de xogo producirse unha sucesión de ocasións nas dúas áreas. A máis clara, unha maravillosa triangulación na que Romay deixou so cun toque co calcaño a Javi Pazos, que rematou alto.
Na segunda metade, o propio Pazos marcou ao recoller o rexeite tras unha parada de Alberto a un trallazo de Kevin.
Lonxe de estirarse mediante a posesión, o Coruxo foi máis perigoso en balón parado, con xogo en longo e á contra. Manu Justo puido marcar en dúas ocasións, pero non tivo precisión na finalización e o resultado non se moveu.