Luismi sentará no banco do Pontevedra o próximo domingo no partido que enfrontará ao conxunto granate contra o Celta B en Pasarón.
O técnico vigués, ata agora no cadro xuvenil de División de Honra, foi o elixido pola dirección deportiva do club ante as dificultades para concretar a contratación dun técnico do exterior.
Os resultados serán o xuíz de Luismi nos primeiros encontros á fronte do equipo da cidade do Lérez.
Ademais de contra o Celta B, dirixirá ao cadro de Pasarón en Copa RFEF contra o Burgos e o duelo de liga en Bouzas contra o Rápido. O preparador vigués substitúe a Luisito no cargo.
