O Marín Peixegalego acadou un acordo co base ourensán Jacobo de Benito para que pase a formar parte do seu plantel ata que remate a temporada.
De Benito ten 27 anos e militou a temporada pasada no CB Chantada, equipo no que brillou tanto pola súa achega ao xogo colectivo como na valoración estatística, próxima aos 20 créditos por partido de media.
A súa ocupación profesional obrigouno a desprazarse a Pontevedra, feito que facilitou a operación.
O novo base do Peixe, que non chegará a Marín ata a próxima semana, será o complemento para o xogo exterior dos marinenses na segunda metade da temporada, na que pelexarán polo ascenso á LEB Prata.
O Peixe ficha o base ourensán Jacobo de Benito
Ten 27 anos e militou a temporada pasada no CB Chantada, equipo no que brillou tanto pola súa achega ao xogo colectivo como na valoración estatística