Miércoles. 22.05.2019 |
El tiempo
Miércoles. 22.05.2019
El tiempo

0-2. Camello liquida o soño do play-off para o Pontevedra

Dos jugadores del Pontevedra lamentan el resultado ante el Atlético B. JAVIER CERVERA
Dos jugadores del Pontevedra lamentan el resultado ante el Atlético B. JAVIER CERVERA

Os dous goles do '9' do Atlético B poñen punto e final á temporada granate

O Pontevedra perdeu tódalas súas opcións de disputar o play-off despois de caer contra o Atlético de Madrid B nun mal encontro (0-2) que tivo un claro protagonista: Sergio Camello Pérez. O visitante foi un auténtico pesadelo para o equipo granate e, con dous goles, certificou a fin da temporada dos de Luismi.

A primeira parte do Pontevedra estivo condicionada pola calor, o primeiro gol do Atlético de Madrid e a falta de ideas do equipo granate. Aos doce minutos, unha perda granate co equipo descolocado permitiu a Joaquín chegar á área, fixar aos centrais e ceder a Camello para que batese a Edu no man a man cun disparo raso e axustado.

A partir dese momento o Pontevedra levou a iniciativa, pero sen capacidade para chegar ao campo contrario para xerar ocasións de gol.

Os granates perdían os duelos individuais, movían o esférico con dificultade no centro do campo e tiñan que abusar do xogo en longo para superar a presión dos colchoeiros, que mesmo puideron facer o 0-2 nun tiro afastado de Cristian.

Dous tiros de Borja e Kevin desde fóra da área foron toda a produción ofensiva do bloque de Luismi, ao que lle faltou frescura na primeira metade.

Un segundo gol de Camello nunha boa xogada do Atlético B pola esquerda, nada máis retornar do descanso, deixou o partido case sentenciado. A pesar dos constantes intentos do Pontevedra por achegarse á área rival con entradas pola banda e centros, foi o filial quen estivo máis próximo a facer o terceiro, sobre todo nun man a man de Camello –sempre Camello–.

FICHA TÉCNICA
0 - Pontevedra: Edu Sousa, Nacho López, David Castro, Churre, Adrián León –Álex González–, Kevin Presa, Álvaro Bustos, Borja Domínguez, Javi Pazos –Pibe–, Pedro Vázquez –Arruabarrena– e Romay.
2 - Atlético B: San Román, Solano, Samu, Tachi, Víctor Ruiz, Mikel Carro, Joaquín, Cristian, Camello, Pinchi e Óscar.
Goles: 0-1. Camello (min. 13); 0-2. Camello (min. 46).
Árbitro: Alfonso Vicente Moral, do colexio castelán-leonés. Auxiliado nas bandas polos asistentes Javier Gómez Gago e Carlos Frey Domínguez.
Incidencias: Partido correspondente á xornada número 37 do Grupo I de Segunda División B disputado no Estadio Municipal de Pasarón. A afección granate arroupou aos seus desde a previa para lograr o soño do play-off, algo que se foi esfumando desde o primeiro gol branquivermello.
Incidencias: Partido correspondiente a la jornada número 37 del Grupo I de Segunda División B disputado en el Estadio Municipal de Pasarón. La afición granate arropó a los suyos desde la previa para lograr el sueño del play-off, algo que se fue esfumando desde el primer gol rojiblanco.

0-2. Camello liquida o soño do play-off para o Pontevedra
Comentarios