O Pontevedra CF derrotou por ao Unión Adarve este domingo (3-1) e achégase á zona de fase de ascenso.
O equipo granate dominou o partido desde os primeiros minutos, nos que dispuxo de varias ocasións moi claras para inaugurar o marcador. Algo que fixo Kevin mediada a primeira metade cun lanzamento desde a frontal tras servizo de Javi López.
⚽️ Este foi o gol de @KevinPresa para o Pontevedra en Pasarón na tarde de hoxe! ⚽️ pic.twitter.com/HdSHzCli2a
— En Xogo tvG2 (@EnXogo_tvG2) 9 de decembro de 2018
Despois de que Souza sacase baixo paos un disparo de Romay, Javi Pazos anotou o 2-0 nunha gran cabalgada cunha mellor finalización.
⚽️ O segundo tanto do conxunto de Luismi foi de Javi Pazos, que non falla na súa cita co gol! ⚽️ pic.twitter.com/rS40soxBIN
— En Xogo tvG2 (@EnXogo_tvG2) 9 de decembro de 2018
Na segunda metade o Unión Adarve saíu con forza e dispuxo de dúas ocasións claras para recortar distancias, como finalmente fixo no minuto 69 grazas a un erro nunha mala cesión de cabeza de Adrián León cara Edu. Álvaro Sánchez aproveitouse do fallo para recoller o esférico, canear a Edu, e poñer a emoción no partido.
O cadro granate meteuse nese momento nunha dinámica de nervios que acabou resolvendo Pibe a falta de cinco minutos para o final cun magnífico remate.
⚽️ O golazo de Pibe para pechar a vitoria do @PontevedraCFSAD e facer o 3-1 ⚽️ pic.twitter.com/Rom4zj6N2D
— En Xogo tvG2 (@EnXogo_tvG2) 9 de decembro de 2018
CLASIFICACIÓN. Tras esta xornada o Pontevedra sitúase na sexta posición con 26 puntos, igual que os que ten o Sanse, que pecha co seu cuarto puesto a fase de promoción de ascenso.
Entre os dous, tamén con 26 puntos, atópase agora a Cultural Leonesa, mentres que o Real Madrid Castela (terceiro con 29 puntos), Fuenlabrada (segundo tamén con 29) e a Ponferradina (líder con 32) copan os treis primeiros postos.
