Santiago Mariño Couto deixou este luns de ser adestrador do Pontevedra B, despois de acadar un acordo co conselleiro da área deportiva do club, Roberto Feáns. A decisión foi tomada de forma consensuada polas dúas partes e pon fin á terceira etapa do preparador no club de Pasarón.
O propio responsable da área deportiva será o encargado de facerse cargo momentaneamente da dirección da escadra, mentres non atopa un substituto no mercado para Mariño, que podería seguir vencellado á entidade desempeñando outras funcións (ollar xogadores, emitir informes e analizar rivais).
Ademais, o futbolista Ibrahim Baptiste, por petición do técnico saínte, cambiou o pantalón curto polo chándal e pasou a desempeñar o cargo de segundo adestrador do cadro pontevedrés, faceta na que xa comezou a axudar ao Pontevedra B a pasada fin de semana.
Mariño xa propuxera a súa saída ao club granate en dúas oportunidades, pero en ámbolos dous casos Roberto Feáns lle manifestara a súa total confianza nas súas posibilidades e a importancia de que seguise adiante co seu traballo.
O técnico manifestou a súa tristura por non ter tido máis fortuna e mellores resultados co equipo granate. "Estou triste. Fastídiame que me pase isto no Pontevedra", asegurou, deixando claros os seus fortes vínculos afectivos coa entidade que dirixe Lupe Murillo.
Santi Mariño deja de ser técnico del Pontevedra B
Xa propuxera dúas veces a súa dimisión a Roberto Feáns, que sempre lle manifestou a súa confianza nel ►Baptiste será segundo adestrador