A expedición da Sociedad Deportiva Teucro chegou a Galicia este xoves en torno ás sete da tarde, despois de permanecer desde o mércores en Lanzarote sen posibilidade de desprazamento a Galicia. Os xogadores e membros do corpo técnico do equipo azul tiñan que regresar este mércores pola tarde desde Canarias a Galicia.
Non obstante, debido a folga de persoal de cabina da compañía aérea coa que debían realizar o voo, os xogadores e membros do corpo técnico do club permaneceron ata altas horas da noite nas instalacións do aeroporto despois de sucesivas dilacións da partida da súa aeronave. Así, ata que ás tres da madrugada foron recollidos polo transporte facilitado pola empresa para ser enviados a un hotel.
Arestora seguen no aeroporto, con algúns xogadores intentando durmir e sen coñecer aínda cando partirá a viaxe de regreso a Galicia
O plantel foi citado as nove da mañá deste xoves para tomar o voo, co cal os deportistas deberon erguerse ás sete da mañá para poder cumprir co procedemento e tomar o avión. Pero unha vez na terminal, os atrasos comezaron a acumularse.
A expedición, liderada pola adestradora azul, Irene Vilaboa, presentou a pertinente reclamación ante a compañía e denunciou perante o persoal do Cabildo de Lanzarote a súa situación.
O Teucro ten partido este sábado contra o OAR da Coruña. Desde o club estiman realizar unha solicitude de adiamento do choque, non só polas dúbidas de poder regresar a tempo para poder afrontar o partido, senón tamén debido ás condicións de descanso, alimentación e falta de adestramento que están a padecer.
