Oito grupos musicais da comarca e da contorna tomaron parte este venres na gala solidaria Todos con Gustavo Dacal, destinada a recadar fondos para axudar ao deportista local na súa loita e rehabilitación tras ser obxecto de varias doenzas e unha infección que lle afectou á columna e que o mantén en cadeira de rodas en México.
Os veciños encheron o salón de actos do Colexio Público de Ponte Caldelas Manuel Cordo Boullosa para colaborar. O prezo da entrada, de cinco euros, estaba destinado integramente á causa. En total recadáronse 4.000 euros.
