viernes. 14.05.2021 |
El tiempo
viernes. 14.05.2021
El tiempo

A vida, como ao principio

Álex González disputa o balón cun rival durante o partido contra o Lealtad. RAFA FARIÑA
Álex González disputa o balón cun rival durante o partido contra o Lealtad. RAFA FARIÑA
O Pontevedra continúa na primeira praza do grupo pola permanencia, a mesma coa que comezou a segunda fase ►A vantaxe que mantén o equipo granate sobre o terceiro clasificado segue a ser de un punto despois das tres primeiras xornadas
Tres xornadas despois do comezo da segunda fase, as cousas seguen como principiaron. Os tres primeiros partidos da loita pola permanencia en Segunda RFEF non aclararon o panorama da competición, que segue a estar moi aberta e a manter diferenzas mínimas entre os cinco primeiros clasificados do grupo 1-E.

A falta de unha xornada para pechar a primeira volta do grupo por evitar a caída á Terceira División, o Pontevedra CF ocupa o liderado, pero con marxes moi escasos e cos dous desprazamentos teoricamente máis complicados pendentes de ser realizados: Oviedo B para pechar a primeira fase e Lealtad de Villaviciosa na penútima xornada de Liga.

Clasificación segunda fase primeira voltaO Pontevedra ten un punto de vantaxe sobre o Coruxo (a mesma que cando rematou a primeira fase), un sobre o Oviedo B (estaban empatados cando principiou esta nova sección do torneo) dous sobre o Salamanca (os mesmos que antes) e tres sobre o Lealtad (comezara a liguiña con dous de vantaxe).

O inicio da segunda fase pon de manifesto a igualdade entre tódolos contendentes e a enorme tensión que implica a competición. Sete dos doce partidos disputados ata agora se saldaron con empates. Só cinco triunfos e ningún dos oito participantes repetiu vitoria.

Nela, o Pontevedra é xunto co Coruxo e o Salamanca o que máis puntos fixo, cinco. Pero os tres teñen desprazamentos a fin de semana que podería mudar a situación. Os granates afrontan o duelo máis complicado, en teoría, contra o Oviedo B.

Clasificaciones inicio segunda fase Pontevedra

De momento, coa asimetría que produce o calendario (xogáronse dúas xornadas en casa dos bloques procedentes do subgrupo galego e só unha no feudo do subgrupo asturiano), os equipos galegos e salmantinos parecen mellor entoados que os asturianos. Dos cinco triunfos, catro obtivéronos cada un dos seus representantes e só un foi para un conxunto asturiano, o Oviedo B.

En total, as escadras galegas e salmantinas levan sumados 19 puntos, mentras que entre o Covadonga, o Lealtad e os filiais acumulan 10.

Con toda a igualdade existente, o Pontevedra lidera o grupo, pero se perde contra o Oviedo B a próxima fin de semana tería opcións de rematar a primeira volta en postos de descenso.

Entre os resultados de tódolos equipos, chama a atención que catro conxuntos aínda non perderon ningún envite neste treito do curso: o Pontevedra, o Coruxo, o Salamanca CF UDS e o Lealtad. O bloque asturiano tampouco gañou. Mantén a súa tendencia de rei do empate e leva tres igualadas en outros tantos envites, un único gol a favor e outro solitario gol en contra.

Todo moi apertado que pode cambiar a próxima xornada, na que o Pontevedra vai a Oviedo, o Coruxo visita ao Covadonga, o Guijuelo ao Lealtad e o Salamanca CF UDS, ao Sporting B.

A vida, como ao principio
Comentarios
ç