martes. 30.11.2021 |
El tiempo
martes. 30.11.2021
El tiempo

Galicia quiere construir una planta de hidrógeno 'verde' de 50 megavatios

Feijóo aborda con el comité de expertos proyectos para la reactivación económica. EP
Feijóo aborda con el comité de expertos proyectos para la reactivación económica. EP
É un dos tres proxectos tractores da Xunta para reactivar a economía tras a crise do covid, xunto a unha planta de biogás a partir de xurros e outra de viscosa para o sector téxtil

O presidente da Xunta, Alberto Núñez Feijóo, o conselleiro de Economía, Emprego e Industria, Francisco Conde, e o conselleiro do Medio Rural, José González, reuníronse este mércores co comité de expertos económicos de Galicia para avaliar "os tres primeiros proxectos tractores" para reactivar a economía tras a pandemia da covid-19: plantas para fabricar hidróxeno verde, biogás a partir dos xurros gandeiros e viscosa para o sector téxtil. 

"Presentamos tres proxectos tractores deseñados co comité de expertos: viables, con demanda, que responden a unha oferta desatendida e que teñen moito que ver coa comunidade e co obxectivo de mobilizar investimento, innovación e emprego", explicou, nunha rolda de prensa, tras o encontro cos expertos, na que incidiu na aposta pola tecnoloxía, a biodiversidade, e a economía circular e verde. 

Segundo explicou, o primeiro dos proxectos constitúe unha iniciativa para a xeración de hidróxeno verde a partir de fontes renovables, o que permitirá converter Galicia "nun referente no ámbito da transición ecolóxica" e aproveitar o incremento da xeración de renovables no horizonte 2030. 

O economista Santiago Lago resalta que "poucos" van como Galicia na formulación deste tipo de proxectos, pero urxe o seu desenvolvemento

O segundo proxecto consistirá na implantación dun centro para o impulso da economía circular, co obxectivo de asegurar este principio na xestión de residuos para a súa transformación e valorización; axudar a que a comunidade cumpra cos obxectivos marcados pola Unión Europea para 2030, no que respecta ao reciclaxe de residuos; e garantir a sustentabilidade económica e ambiental das ganderías.

Sobre o terceiro proxecto, Feijóo destacou que o obxectivo será o de impulsar unha xestión "sostible" dos montes, co fin de impulsar a biodiversidade forestal e pechar o círculo do aproveitamento da madeira, cun centro de fabricación de fibras téxtiles a partir da madeira, que permita diversificar un sector estratéxico para Galicia. 

"En definitiva, imos traballar con estes proxectos, moi importantes para Galicia. Hai un nicho de mercado que está a esperar por eles e, ademais, entran dentro do Pacto verde europeo e, tamén, no instrumento de recuperación temporal para o período 2021-2024, dotado con 750.000 millóns de euros. Europa está a esperar proxectos maduros, competitivos e planificados con tempo como estes", aseverou.

A intención da Xunta é que se desenvolvan entre este ano e 2021, aínda que o investimento está pendente de concretar

DOUS PROXECTOS VINCULADOS Ao RURAL. Na rolda de prensa interveu tamén o conselleiro do Medio Rural, José González, quen incidiu en que dous dos tres "proxectos tractores" están vinculados ao agro: o centro de impulso da economía circular e a produción sostible de fibra forestal. Sobre o primeiro proxecto, o conselleiro destacou que con el se pretende producir biogás e fertilizante, pero tamén apostar polo reciclado de plásticos e téxtil. 

Así, explicou que, dentro deste centro, xestionarase o excedente dos xurros procedentes das ganderías galegas mantendo, iso si, a autoaplicación dos xurros como fertilizantes por parte dos produtores, e "garantindo a sustentabilidade económica e ambiental das explotacións". 

En canto á segunda iniciativa, explicou que estas fibras teñen a súa orixe en celulosa sostible da madeira e noutras orixes alternativas, como son os residuos biolóxicos da alimentación, agrícolas e forestais. Este proceso tería, segundo concretou González, un consumo de ao redor de 1,5 millóns de metros cúbicos de madeira por ano, ademais de permitir a xestión forestal sostible de entre 100.000 e 150.000 hectáreas de monte con biodiversidade, xerando unhas 250.000 toneladas de fibra de celulosa sostible anuais.

O Executivo autonómico analizará o impacto económico dos proxectos na súa reunión deste venres

GENERACIÓN DE HIDRÓXENO VERDE. Sobre o proxecto de instalación dunha planta de produción de hidróxeno verde de 50 MW para o seu uso na industria, na mobilidade como combustible e a súa inxección na rede galega de gasodutos, o conselleiro de Economía, Francisco Conde, afirmou que esta iniciativa permitirá "incrementar a capacidade de xeración renovable en Galicia e atraer investimentos". Tamén "impulsar a descarbonización eficiente" da economía galega, na industria, a loxística ou na edificación; ademais de fortalecer "a posición competitiva" do sector industrial galego. 

Con esta actuación, a Xunta aspira a producir 5.100 toneladas anuais de hidróxeno que poderán abastecer unha flota de 630 camións de pila de combustible, durante un ano.

O GOBERNO GALEGO ANALIZARÁ O SEU IMPACTO ECONÓMICO. Para rematar, o coordinador do comité, Santiago Lago, referiuse a estes proxectos como unha peza fundamental para a reactivación económica. "Aínda que se van a poder desenvolver moitos máis, comezamos con tres proxectos novos porque o importante é desenvolvelos enseguida e, unha vez que entremos nesa dinámica, seguir con outros novos", explicou, á vez que subliñou que poucos o están facendo como Galicia. Pero matizou que "o tempo é importante", polo que o reto, agora está en concretar os proxectos canto antes e non "xogar á defensiva". 

Respecto diso, Feijóo defendeu que o impulso destes proxectos non constitúe un exercicio "teórico", senón práctico, xa que hai "demanda" para os produtos que fabricarían estas tres plantas en cuxo financiamento participaría a Xunta, contando tamén con fondos europeos, e na que o presidente espera que o sector privado teña un papel protagonista. 

Así mesmo, pretende que se desenvolvan entre este ano e 2021, aínda que o investimento está pendente de concretar. O Executivo autonómico analizará o seu impacto económico na súa reunión deste venres. 

Galicia quiere construir una planta de hidrógeno 'verde' de 50...
Comentarios
ç