O anestesista Juan Maeso foi condenado a 1.933 anos de prisión por contaxiar a hepatite C a 275 pacientes en catro hospitais de Valencia entre os anos 1988 e 1997, dos que cumprirá un máximo de 20 anos fixado pola lei. No fallo, a Sección Segunda da Audiencia de Valencia considera ó acusado autor de 275 delitos de lesións-penados con sete anos de cárcere cada un- e catro delitos de homicidio imprudente- con dous anos de cárcere.
Na sentenza feita pública esta mañá, o tribunal o condea a compensar con case un millón de euros ós afectados e declara a Consellería de Sanidade responsable civil subsidiaria. Dos 276 afectados pola hepatite C, 23 xa faleceron, aínda que só en tres casos a morte estivo relacionada de forma directa coa enfermidade.
