Sen sorpresas: Miguel Sanz, presidente de Navarra

O acto de investidura do presidente de Navarra transcorreu sen sorpresas. O candidato de Unión do Pobo Navarro (UPN), Miguel Saez, foi escollido por cuarta vez para ocupar o cargo durante a segunda votación, na que obtivo a maioría simple necesaria.

Os doce deputados socialistas ativéronse á disciplina de voto fixada pola dirección central: once deles optaron polo voto en branco e outro decantouse pola abstención.

A postura decidiuse tralo rexeitamento do pacto entre PSN-Nafarroa Bai e IU, sendo estes dous últimos partidos os que votaron en contra da reelección de Miguel Sanz. Así, foron os 24 votos a favor do seu partido e de Converxencia Democrática Navarra (UCN) os que lle deron a vitoria.

Así, o candidato da UPN afronta o seu cuarto mandato cun goberno en minoría sobre o que colga a posibilidade dunha moción de censura ou dun adianto electoral se Navarra resulta ser unha comunidade "ingobernable", tal e como a cualificou na súa investidura.

Con esta segunda votación conclúe un proceso de investidura que se iniaba o pasado xoves co discurso do candidato, e que continuou onte coas réplicas dos portavoces parlamentarios e coa primeira votación, na que era necesaria unha maioría absoluta que Sanz non conseguiu acadar.

Mentres se producía o nomeamento, un centro de militantes socialistas protestaban pola decisión de permitir a reelección de Sanz. Entre eles estaba Lourdes Montero, unha das cabeceiras visibles do colectivo que cuestionaba a "imposición" de absterse.

Montero anunciou a súa dimisión como membro da executiva rexional e anunciou que outros membros do partido poderían seguir o seu exemplo.

Comentarios