A líder do BNG, Ana Pontón, trasladou este venres a súa solidariedade aos integrantes de Podemos despois do ataque da súa sede en Cartaxena con material explosivo.
Nunha mensaxe publicada no seu perfil da rede social Twitter, Pontón asegura que o "neofascismo deixa claro que busca acabar coa democracia e a pluralidade".
Toda a solidariedade coas compañeiras e compañeiros de @PODEMOS ante o ataque a súa sede en Cartagena. O neofascismo deixa claro que busca acabar coa democracia e a pluralidade; por iso é tan grave branquear á extremadereita. E fronte a eles, nós, sempre defendendo as liberdades.
— Ana Pontón (@anaponton) April 2, 2021
"Por iso é tan grave blanquear á extremadereita. E fronte a eles, nós, sempre defendendo as liberdades", apunta a portavoz nacional do BNG.
PSDEG. Por outra banda, o secretario xeral do PSdeG, Gonzalo Caballero, chamou a defender a democracia, a liberdade e a tolerancia fronte aos que "usan a violencia para atacar aos que pensan distinto".
Así o sinalou nunha mensaxe publicada a través do seu perfil da rede social Twitter.
Defendamos a democracia, a liberdade e a tolerancia fronte aos que usan a violencia para atacar aos que pensan distinto.
— Gonzalo Caballero (@G_Caballero_M) April 2, 2021
Rexeitamos e condenamos totalmente os ataques de grupos de extrema dereita contra @PODEMOS, hoxe, en Cartagena. Ningún tipo de fascismo. Así, non. pic.twitter.com/rg9TNMtfzI
"Defendamos a democracia, a liberdade e a tolerancia fronte aos que usan a violencia para atacar aos que pensan distinto. Rexeitamos e condenamos totalmente os ataques de grupos de extrema dereita contra Podemos hoxe en Cartaxena. Ningún tipo de fascismo. Así, non", apunta o texto publicado en galego.