O padrón de habitantes de Galicia rexistraba o 1 de xaneiro deste ano 2.700.970 persoas, 7.369 menos que en 2017 (-0,3 %), segundo indica o Avance da Estatística do Padrón Continuo difundido este martes polo Instituto Nacional de Estadística (INE).
No conxunto de España, a poboación empadroada aumentou en 2017 por segundo ano consecutivo debido á chegada de estranxeiros, que aumentaron en 146.611, mentres que o de españois reduciuse en 20.174 persoas, o que fai que o total da poboación ascenda a 46.698.569 persoas.
En Galicia había rexistrados a 1 de xaneiro deste ano 92.062 estranxeiros, o 3,4 por cento da poboación.
Deste xeito, a poboación estranxeira aumentou no último ano en Galicia en 4.872 persoas, un 5,6 por cento, xa que a 1 de xaneiro de 2017 era de 87.189 persoas e representaba un 3,2 por cento da poboación total.
Polo tamaño de municipios, hai 3 con máis de 100.00 habitantes -Vigo, A Coruña e Ourense- e 4 de entre 50.001 e 100.000 habitantes: Lugo, Santiago, Pontevedra e Ferrol.
Ademais, 49 municipios teñen entre 10.001 e 50.000 habitantes, 224 municipios suman entre 1.001 e 10.000 habitantes e 33 concellos teñen menos de mil habitantes.
