"Galicia ten en Rueda presidente non para a vindeira lexislatura senón para moitos anos"

O deputado de Redondela Alberto Pazos Couñago é o novo voceiro parlamentario do PPdeG, cargo no que substitúe ao seu "mestre" Pedro Puy. Del herdou, confesa, a importancia de tender a man e dialogar, aínda que admite que o seu estilo é diferente, xa que Pazos é máis de látigo e ironía. En calquera caso, chega cunha idea moi clara: "Aquí págannos por chegar a acordos para resolver os problemas da xente, non para montar espectáculos televisivos".