Varios incendios forestais afectan este martes a diferentes municipios da provincia de Ourense. Segundo os últimos datos facilitados pola Consellería de Medio Rural, o lume leva arrasadas unhas 45 hectáreas.
Polo momento, os dous lumes con máis hectáreas afectadas son os rexistrados nos municipios do Carballiño e A Mezquita, con polo menos 20 hectáreas en cada un. Tamén se rexistrou un incendio en Xunqueira de Ambía.
No Carballiño está activo un lume desde as 16.01 horas na parroquia do mesmo nome. Traballan un helicóptero, tres motobombas, catro brigadas e tres axentes.
A parroquia de Castromil, do municipio ourensán da Mezquita, rexistra un incendio forestal que afecta, segundo as primeiras estimacións, a máis de 20 hectáreas. O lume iniciouse ás 14.50 horas e mobilizáronse dous axentes, dúas brigadas, dúas motobomas e un helicóptero.
Pola súa banda, no concello de Xunqueira de Ambía arderon cinco hectáreas, tres delas de arborado. O lume empezou preto das 13.00 horas e extinguiuse ás 17.00. Entre outros medios participaron un helicóptero, dúas motobombas e cinco brigadas.
⚠️PRECAUCIÓN⚠️
— Emerxencias Ourense (@EmerxenciasOu) 26 de febreiro de 2019
OU-902 #Carballiño a la altura de A Costiña y Madarnás, medios del 👩🚒👨🚒🚒 @SPDCIF y 🚒 Bomberos del Consorcio Provincial (Parque Carballiño-O Ribeiro) actuando en incendio forestal próximo a viviendas desde la plataforma de la vía. pic.twitter.com/ZLhtCvKpdr
