miércoles. 05.08.2020 |
El tiempo
miércoles. 05.08.2020
El tiempo

Unha persoa resulta ferida nun accidente de tráfico en Touro

O sistema 'ecall', que deben levar instalado os vehículos de recente fabricación, permite dar o aviso e establecer comunicación co coche, polo que neste caso foi posible falar co condutor

Unha persoa resultou ferida nun accidente de tráfico en Touro, após o que os servizos de emerxencias tiveron que intervir para axudar á vítima a saír do vehículo. O propio automóbil avisou do sinistro de forma automática a través do sistema 'ecall'. 

O 112 Galicia informou de que recibiu o aviso por esta vía pasadas as 16.00 horas e que tamén varios particulares chamaron para informar do accidente. 

O sistema 'ecall', que deben levar instalado os vehículos de recente fabricación, permite dar o aviso e establecer comunicación co coche, polo que neste caso foi posible falar co condutor. El mesmo indicou que necesitaba axuda para saír porque estaba atrapado polo asento traseiro. 

O 112 facilitou aos bombeiros de Arzúa os datos da localización do vehículo e, unha vez o ferido foi rescatado do interior, recibiu asistencia médica por parte do 061. 

O 112 lembra que o sistema 'ecall' consiste nuns sensores instalados no vehículo que, ao detectar o impacto, fan unha chamada automática a este servizo de emerxencias e achegan datos para localizar o coche, o que permite acurtar tempos de resposta.

Unha persoa resulta ferida nun accidente de tráfico en Touro