A Xunta de Galicia ten en marcha a Lei de Impulso Demográfico e algunhas medidas xa comezan a coñecerse. Unha delas, a que máis chama a atención, é a obrigatoriedade de que os baños masculinos teñan cambiadores para bebés. Asimesmo, tamén deberán contar cunha sala de lactancia.
En caso de que os baños de homes non teñan cambiadores, a lexislación obrigará a habilitar outro cuarto á parte onde se instale o mecanismo e que sexa accesible tanto para homes como para mulleres. A regra afecta para os edificios tanto públicos como privados.
A nova Lei de Impulso Demográfico tamén afectará ás prazas de aparcadoiro, que deberán ser máis anchas para adaptarse a familias con menores de doce anos.