O FC Barcelona irá de voda en xullo. Andrés Iniesta sorprendeu coa noticia de que contraerá matrimonio coa súa noiva, Ana Ortiz, en Tarragona. A parella quixo estrearse na paternidade antes que pasar polo altar. Así, en abril do ano pasado naceu a súa primeira filla, Valeria, quen acompañará os seus pais nese día.
O Diari de Tarragona deu a noticia de que o futbolista e a súa noiva están a organizar a súa voda no pintoresco castelo de Tamarit, situado en Altafulla (Tarragona). Segundo este diario, quen confirmou a organización deste evento é a empresa Cristian’s Service.
Despois da cerimonia na igrexa, a celebración será no restaurante Mas d’en Ros de Reus, segundo confirmou a empresa que organiza o evento. Espérase que sexa unha voda multitudinaria e teñen previsto que asistan ao redor de 800 invitados.
Ao parecer, o futbolista manchego pretende celebrar ao grande a súa voda e quere estar acompañado por toda a súa xente.
E, como onte adiantaba este xornal, Lecturas leva a portada que Iker Casillas e Sara Carbonero tamén casarán nese mes.
PIQUIRA, ¿EN CRISE?
Para quen non corren bos tempos é para outro barcelonista, Gerard Piqué. O noivo de Shakira está a atravesar unha crise profesional polos choques con Guardiola –que prescinde del ao velo ''disperso''– e as súas declaracións sobre a arbitraxe. E non é todo, pois parece que está tan ''abafado'', din na súa contorna, que ata dubida se seguir con Shakira.