Foi nun vídeo subido na rede social twitter polo xornalista de Diario de Pontevedra Rodrigo Cota onde se viu, por primeira vez en dous anos, a Yosi Domínguez, o cantante da banda Los Suaves, volvendo a cantar e collendo a guitarra.
Foi con Rodrigo Cota Rey con quen se animou. Segundo Rodrigo Cota González, foi mérito do "efecto milagreiro da virxe do Corpiño de Lalín".
A última vez que alguén puidera escoitar cantando con público diante a voz da icona máis famosa da banda ourensá fora en Santander, o 23 de xullo de 2016. Naquela data o cantante sufriu unha caída durante a actuación que provocou que se cancelara a xira de despedida de Los Suaves.
Non sabemos se este vídeo será o comezo dun posible regreso, pero si que deixa ver que Yosi xa está plenamente recuperado e coa mesma enerxía ca sempre.
Despois de máis de dous anos sen cantar nin coller unha guitarra, Yosi, polo efecto milagreiro da Virxe do Corpiño de Lalín, animouse con @RodrigoCotaGonz o día de defuntos. @suavesourense, @Siempre_Suaves, @diosessuave, @Rafiklalin. pic.twitter.com/s5YYI6CmKM
— Rodrigo Cota (@RodrigoCotaGonz) 2 de novembro de 2018
