A Sociedad Estatal Aguas de las Cuencas del Norte, Acuanorte, comprometeuse onte a estudar polo miúdo as alegacións presentadas pola comunidade de augas de Couso (Lérez), a Comunidade de Montes de Mourente e veciños desta última parrroquia.
Fíxoo por boca da propia presidenta, Isabel Pérez Espinosa, e durante as dúas reunións convocadas ‘ex profeso’ para coñecer a oposición dos afectados, nas que houbo «boas palabras» e receptividade á hora de introducir cambios no proxecto.
Os primeiros en coñecer esta disposición foron os representantes da comunidade de augas de Couso, encargados de explicar á presidenta de Acuanorte e aos técnicos da empresa adxudicataria o contido da única alegación presentada.
