Barro mellorará o seu alumeado exterior en varios puntos da parroquia

A Concellería de Obras e Servizos de Barro vén de iniciar as obras relacionadas coa mellora do alumeado público exterior de varios puntos da parroquia.

Concretamente, as zonas que gozarán da nova instalación son aquelas nas que existen vivendas que aínda non contan con este servizo.

O proxecto foi adxudicado a Elecnor SA cun orzamento total de 21.893,39 euros e a actuación sitúase no marco do Plan Concellos 2017, impulsado pola Deputación de Pontevedra.