Este venres comezan os traballos para a instalación do pavimento deportivo sintético no Pavillón Municipal de Deportes, o que homologará a superficie de xogo para competicións de máis alto nivel. Os traballos, segundo as previsións da Concellería de Deportes, alargaranse ata a noite do luns. A obra foi adxudicada á empresa Galitec por 36.542 euros.
Coa instalación deste pavimento portable vinílico con características adecuadas segundo cumprimento da norma UNE EN 14904 e a normativa federativa dase un paso máis cara a rehabilitación integral desta instalación, deseñada no seu día polo arquitecto Alejandro da Sota.
Contar cunha superficie de xogo cunhas características específicas e homologadas no Pavillón Municipal é preciso para poder desenvolver competicións de carácter internacional e partidos televisados da Liga Asobal.
Pontevedra foi designada como sede da organización de dous grandes eventos de carácter internacional na modalidade de balonmán: O Torneo Internacional Domingo Bárcenas de seleccións nacionais absolutas e o Campionato de seleccións autonómicas de balonmán que se desenvolverán a comezos do 2018.
Comezan os traballos para instalar o pavimento deportivo sintético no pavillón municipal
Contar cunha superficie de xogo cunhas características específicas e homologadas é preciso para poder desenvolver competicións de carácter internacional e partidos televisados da Liga Asobal
