PONTEVEDRA. Obradoiros de esgrima e loita escénica, de creación de bonecos en 3D, de ganchillo XXL e de elaboración de postres árabes, entre moitos outros, foron os encargados de inaugurar a programación de ‘Noites Abertas’, que este ano celebra a súa XV edición.
Cun amplo número de actividades dirixidas á mocidade de Pontevedra, de entre 12 e 30 anos, a iniciativa do Concello de Pontevedra oferta cursos de manualidades, de baile, de música ou de deportes.
Tenis de mesa, animación, danza, pandereita e cociña impartiranse hoxe no CEIP Froebel a partir das 20.00 horas. Pola súa banda, a Casa Azul acollerá unha sesión de Taichi e Chikung e unha charla para deixar de fumar (para máis información sobre o porgrama consultar a páxina web www.noitesabertas.com).