O presidente da Fundación Catedral de Santiago, Daniel Lorenzo, alertou de que as obras que se acometen na Catedral de Santiago "se terían que paralizar" en caso de que "o Ministerio de Hacienda e a Xunta" non asinen, "antes de mediados de setembro", un convenio único de contratación. Lorenzo ironizou con que "non coñece ningunha empresa que traballe gratis", polo que urxiu a que as devanditas institucións subscriban "na maior brevidade" o protocolo de intencións presentado polo presidente do Goberno, Mariano Rajoy, nunha visita á capital galega no ano 2014.
Concretamente, o Goberno comprometeu un total de 17 millóns de euros para a restauración da catedral, que se inverterían ata o ano 2021 e que servirían para afrontar as obras incluídas no plan director do templo, que foi asinado en 2009 e que estimaba unhas necesidades de 30 millóns de euros para os traballos de restauración e conservación da basílica e os seus edificios anexos. Goberno e Xunta aseguraron este mércores que firmarán o convenio previsiblemente en setembro, debido a que "xa está cerrado".
A Xunta asegura que o documento se firmará "dentro do prazo para evitar calquera tipo de prexuízo con respecto ás obras de coidado e restauración do ben máis destacado de Galicia".
SEGUINTES OBRAS. Para proseguir coas obras na Torre Sur e a zona da peita (a parte central da fachada), ademais das intervencións no Pórtico, "é necesario que se asine o único convenio antes de mediados de setembro", precisou a Xunta. "Hai un atraso no que podería comezar meses atrás. Os documentos están practicamente pechados, solo hai que asinalos", queixouse en referencia a esta cuestión.
En contraposición, o presidente da fundación destacou que as reformas no Pórtico da Gloria "van moi ben" e que están a "cumprir co cronograma previsto". Pola súa banda, Martiño Noriega anunciou que visitará durante o mes de agosto o interior da Catedral para comprobar "o estado das obras".
