Cóntao El Mundo: Mariano Rajoy Sobredo, de 93 anos, vive na segunda planta da residencia familiar da Moncloa. O presidente do Goberno levou a vivir con el o seu proxenitor, quen, por certo, non foi de boa gana. O ex xuíz le El Quijote, dálle algún consello ao fillo e non ten por agora coidadores específicos.
Integrantes do cabildo alertaron da chantaxe ao ex deán José Mª Díaz
De El País: “A Policía acusa o home detido por extorsionar o ex deán da catedral de Santiago, José María Díaz, outros cóengos do cabildo e a baronesa Tita Cervera de ser o autor de varios delitos”. A intervención policial que o pillou in fraganti foi grazas ao aviso dado por persoas do cabildo catedralicio.
Sospeitan que Pachi Vázquez quere gañar tempo a prol de José Blanco
O intento de Pachi Vázquez de atrasar a outono a remuda no PSdeG non é do agrado de Gómez Besteiro, pero si de José Blanco. O líder dos socialistas galegos estaría gañando tempo para que poida ser candidato o ex ministro, que dentro de pouco terá que declarar no Supremo en relación ao caso Campeón.
