Con tal de gañar audiencia, Mercedes Milá fai o que sexa. O outro día mesmo deixou ver as súas bragas. Todo, con tal de ter o mellor share. Pero nin así Gran Hermano (Tele 5) superou o desenlace de Cuéntame en TVE. ¡Quen o diría! A que fora gran xornalista e entrevistadora, agora metida a friqui televisiva.
Felipe de Borbón e Letizia Ortiz non van á voda de Magdalena de Suecia
De El Confidencial Digital: “A familia real española non vai estar representada no enlace matrimonial de Magdalena de Suecia con Chris O’Neil, que se celebrará o 8 de xuño en Estocolmo. Os príncipes de Asturias foron convidados pero non poderán asistir. Asistirán membros de casas reais de todo o mundo”.
ZP marca distancias con Aznar e Garzón pretende volver á política
Non é José María Aznar o único que ameaza con volver á política. Tamén Baltasar Garzón o deixou entrever en El País, onde non revela máis detalles. Por certo, Zapatero díxolle a Luis del Olmo en RNE que el non vai ir por aí criticando o actual presidente do Goberno. Como fai Aznar, engade un servidor.
