Mirta Escudero: ''Na cociña entro no meu mundo e o resto, mentres pasa voando o tempo, desaparece''

P ¿Un sinónimo de Galicia?
R Humidade, tanto polo bo, como é o olor da miña aldea que tanto me gusta, como polo malo.

P ¿Que quería ser de pequena?
R Lembro unha época na que quería ser quiosqueira para comer todas as lambonadas posibles.

P ¿Unha película ou un director?
R Tim Burton é o meu fetiche.

P ¿Unha comida?
R Sería lóxico dicir algo doce, pero a tortilla de patacas é o mellor.

P ¿Un lugar para perderse?
R Na cociña. Entro no meu mundo e o resto, mentres o tempo pa-sa voando, desaparece.

P ¿Como se comeza a interesar pola repostaría?
R Sempre fun creativa: pinto, coso, fixen punto de cruz... Na repostaría atopei outra forma máis de expresar esa creatividade, e ata o momento é no que máis gozo.

P ¿Como nace ‘Dulcesentimiento’?
R Foi grazas ao apoio e ánimo da miña parella, que ten unha web desde hai moitos anos, o que me facilitou moito o traballo. A idea é dar a coñecer o meu traballo, as miñas experiencias e a miña evolución nesta andaina.

P ¿Cal é a súa especialidade?
R Creo que definitivamente son as galletas decoradas con glasa; polo menos é co que máis gozo.