Galicia inicia a semana con nubes en boa parte do territorio e ata algunha chuvia débil e ocasional na metade norte. É consecuencia da entrada dunha fronte pouco activa polo litoral, pola que os ceos estarán parcialmente cubertos en toda a franxa costeira.
Cara ao interior, mentres, a xornada será seca e con intervalos de nubes de tipo alto, atendendo á información de Meteogalicia. No que toca aos ventos, comezarán frouxos na primeira parte do día, de compoñente sur, e irán virando a norte.
As temperaturas non experimentarán cambios significativos, aínda que haberá lixeiros descensos das máximas na franxa atlántica. Así as cousas, moveranse entre os 22 graos da Coruña e Ferrol e os 31 de Ourense, mentres que Pontevedra quedará arredor dos 25, como Vigo.
Todo isto antes de que, a mediados desta semana, chegue a Galicia unha masa de aire cálido.
Ferrol 16° 25°
Lugo 15° 33°
Ourense 18° 36°
Pontevedra 18° 28°
Santiago 16° 31°
Vigo 17° 27°