PONTEVEDRA. Eran arredor das once da noite cando Pontevedra vivía un feito histórico. Os seus habitantes, divididos en corazón e en armas, protagonizaban xunto ao pirata da Moureira Benito Soto e a súa tripulación a contenda da abordaxe da fragata inglesa Morning Star.
A chuvia, que estivera presente dende a mañá, daba un respiro aos protagonistas da noite: os homes e mulleres dos mares.
A loita tiña lugar na céntrica Praza da Ferrería, onde se xuntaron os corsarios e os mariños ingleses, apoiados polos pontevedreses que os seguiron nos seus percorridos, dende a Praza de España e pola rúa Pasantería, respectivamente.
«Boas noites, Pontevedra. Chegou Benito Soto e ¡esta noite imos abordar o barco dos ingleses!», berraba o temido corsario a bordo da súa nave, que ía precedida por un esquelete xigante e un canón.
Consiga AQUÍ la información completa |