De Rosalía a Vidal Bolaño. «A palabra tamén está na semente e nos alicerces da creación dese universo cultural que chamamos nación galega», di o presidente da Real Academia Galega (RAG), Xesús Alonso Montero, no catálogo da exposición ‘51 páxinas das nosas letras’, organizada polo Parlamento de Galicia o ano pasado e que, despois de percorrer diversos espazos, chega agora a Pontevedra. Dende onte e ata o vindeiro 27 de novembro poderá visitarse no vestíbulo do Sexto Edificio do Museo Provincial, onde onte estaba previsto celebrar un acto inaugural coa presenza da presidenta do Parlamento, Pilar Rojo, finalmente anulado.
O Parlamento expón no Museo as súas Medallas das Letras Galegas
